រដ្ឋមន្ត្រីសុខាភិបាលថៃបានប្រាប់សារព័ត៌មាន Reuters កាលពីថ្ងៃពុធថា ប្រទេសថៃនឹងហាមឃាត់ការប្រើប្រាស់កញ្ឆាបែបកម្សាន្តនៅចុងឆ្នាំនេះ ប៉ុន្តែនៅតែបន្តអនុញ្ញាតឱ្យប្រើប្រាស់សម្រាប់វិស័យវេជ្ជសាស្រ្ត។
រដ្ឋមន្ត្រីក្រសួងសុខាភិបាលថៃ លោក Cholnan Srikaew បាននិយាយថា កញ្ឆាត្រូវតែមានការគ្រប់គ្រង មានន័យថា ការផលិត ការនាំចូល ការនាំចេញ ឬការកែច្នៃ ចាំបាច់ត្រូវការការអនុញ្ញាតពីអាជ្ញាធរ។
លោក Cholnan បន្ថែមថា ហាងលក់កញ្ឆា ដែលដំណើរការដោយខុសច្បាប់ នឹងមិនត្រូវបានអនុញ្ញាតឱ្យបន្តដំណើរការនោះទេ ខណៈពេលដែលកញ្ឆាដែលដាំដុះតាមផ្ទះ ក៏នឹងត្រូវហាមឃាត់ផងដែរ។ លោក Cholnan ថា ហាងប្រមាណ២ម៉ឺន បានចុះបញ្ជីស្របច្បាប់។
សេចក្តីព្រាងច្បាប់បានកំណត់ការផាកពិន័យរហូតដល់៦ម៉ឺនបាត (១.៧០០ ដុល្លារ) សម្រាប់ការប្រើប្រាស់កញ្ឆាបែបកម្សាន្ត ខណៈការលក់កញ្ឆាសម្រាប់ការកម្សាន្ត ការផ្សាយពាណិជ្ជកម្ម ឬធ្វើទីផ្សារនៃគ្រាប់ ជ័រ សារធាតុចម្រាញ់ ឬឧបករណ៍ជក់កញ្ឆា នឹងត្រូវប្រឈមការជាប់ពន្ធនាគាររហូតដល់មួយឆ្នាំ ឬការផាកពិន័យរហូតដល់១សែនបាត (២.៨០០ដុល្លារ)។
សេចក្តីព្រាងច្បាប់នេះរឹតបន្តឹងការដាក់ទណ្ឌកម្មចំពោះការដាំកញ្ឆាដោយគ្មានអាជ្ញាប័ណ្ណ ដោយអាចជាប់ពន្ធនាគារពី ១ ឆ្នាំ ទៅ ៣ ឆ្នាំ និងពិន័យជាទឹកប្រាក់ពី ២ម៉ឺនបាត (៥៦០ដុល្លារ) ទៅ ៣សែនបាត (៨ពាន់ដុល្លារ)។
សេចក្តីព្រាងច្បាប់នេះ នឹងបញ្ជូនទៅគណៈរដ្ឋមន្ត្រី ដើម្បីអនុម័តនៅខែក្រោយ មុនពេលបញ្ជូនទៅសភា ដើម្បីអនុម័តមុនដំណាច់ឆ្នាំនេះ៕ #thailand #cannabis #bangkok
សំឡេងសហរដ្ឋអាមេរិក (វីអូអេខ្មែរ) ផ្សាយព័ត៌មានអំពីកម្ពុជា តំបន់អាស៊ីអាគ្នេយ៍ សហរដ្ឋអាមេរិក និងពិភពលោកទាំងមូល។ វីអូអេផ្សាយជូននូវព័ត៌មានថ្មីៗបំផុតអំពីនយោបាយ សិទ្ធិមនុស្ស សេដ្ឋកិច្ច វិទ្យាសាស្ត្រ សុខាភិបាល អាជីវកម្ម និងព័ត៌មានកំសាន្ដ៕
សូម Subscribe channel របស់យើងខ្ញុំ៖
ទស្សនាវីដេអូរបស់យើងខ្ញុំតាមប្រធានបទខាងក្រោម៖
